Iako su izabranice Mirka Marića ostavile znatno bolji utisak nego prije četiri dana kada su poražene sa 5:0, kvalitet protivnica ponovo je presudio. Gošće su povele rano, već u 7. minutu preko Klare Čahinove, ali je Crna Gora pokazala karakter i odgovorila u 24. minutu. Kapitenka Slađana Bulatović bila je sigurna sa bijele tačke za izjednačenje i nadu da se može do podviga.
Pad u nastavku i surova kazna
Češka je do odlaska na odmor uspjela da vrati prednost golom Mihaele Kirove, da bi u drugom poluvremenu fizička sprema i iskustvo rivalki u potpunosti došli do izražaja. Andrea Svibkova je u 67. minutu povisila na 3:1, a samo tri minuta kasnije Kamila Dubcova je iz penala postavila konačan rezultat.
Zabrinjavajuća statistika od 15 primljenih golova u posljednja tri meča jasno pokazuje da je prelazak u Ligu B bio ogroman skok, te da se razlika u odnosu na selekcije poput Velsa i Češke u ovom trenutku teško može nadoknaditi bez većeg fonda igračica.
Odlučujući dueli u junu
Nakon serije teških mečeva, „sokolice“ će imati priliku da poprave utisak i traže bodove spasa u junskom terminu. Tada će u Nikšiću ugostiti selekcije Velsa i Albanije, a upravo će meč protiv susjeda biti ključan u borbi za izbjegavanje posljednjeg mjesta u grupi.
CRNA GORA – ČEŠKA 1:4 (1:2)
Stadion kraj Bistrice, Nikšić. Strijelci: Bulatović 24′ (p) – Čahinova 7′, Kirova 45′, Svibkova 67′, Dubcova 70′ (p).
Šta misliš?
Podijelite reakciju ili ostavite komentar - želimo da čujemo Vaše mišljenje!
-
0
-
0
-
0
-
0
-
0
-
0