Najveći pad cijene zabilježen je kod lož ulja, koje će biti jeftinije za devet centi, dok će cijena eurodizela biti niža za četiri centa po litru. Kada je riječ o benzinu, cijene obje vrste biće umanjene za po jedan cent.
Nova cijena za Eurosuper 98 iznosiće 1,64 eura, dok će se Eurosuper 95 prodavati po cijeni od 1,60 eura. Litar Eurodizela koštaće 1,67 eura, dok će nova cijena lož ulja iznositi 1,72 eura. Iz Ministarstva naglašavaju da je ovaj obračun urađen u skladu sa Odlukom o umanjenju iznosa akciza za promet bezolovnog benzina i gasnih ulja, koja je stupila na snagu 11. maja 2026. godine.
Bez primjene odluke o smanjenju akciza, cijene goriva bile bi znatno veće, pa bi tako Eurosuper 98 iznosio 1,80 eura, Eurosuper 95 bi koštao 1,77 eura, dok bi cijena Eurodizela bila 1,78 eura po litru. Akciza za bezolovni benzin trenutno iznosi 0,412 eura po litru, dok je za gasna ulja koja se koriste kao motorno gorivo utvrđen iznos od 0,352 eura po litru, što je direktno uticalo na konačno pojeftinjenje na benzinskim stanicama.
Šta misliš?
Podijelite reakciju ili ostavite komentar - želimo da čujemo Vaše mišljenje!
-
0
-
0
-
0
-
0
-
0
-
0